თბილისის ინფექციურ საავადმყოფოში ორი ახალი პაციენტი შეიყვანეს

"ჩვენს ცენტრში, დღეს [31 მარტი] დღის მეორე ნახევრისთვის დაგვემატა ორი პაციენტი. ისინი გადმოყვანილია ბინიდან ჩვენთან. ამ ეტაპზე, ჩვენთან 33 პაციენტი მკურნალობს და როგორც ვიცით ჯერჯერობით 18 გამოჯანმრთელებულია, რომლებიც ჩვენგან გაწერილები არიან", – ამბობს თბილისის ინფექციური საავადმყოფოს სამედიცინო დირექტორი მარინა ეზუგბაია.

მისივე თქმით, ჩატარებულია კვლევები, რომელთა პასუხებიდანაც გამოჯანმრთელებული პაციენტების რაოდენობის ზრდას ელოდებიან. კლინიკაში მყოფი პაციენტების მდგომარეობა კი, ამ დროისთვის უცვლელია.

"ერთ ერთი პაციენტის მდგომარეობა, რომლიც გაუმჯობესებული იყო, სტაბილურად რჩება გაუმჯობესებული, აქედან გამომდინარე ვლაპარკობთ, რომ ალბათ შესაძლებელია მისი პროგნოზირება იყოს უკვე გარკვეულწილად გაუმჯობესებული და მასზე ვილაპარაკოთ, როგორც სტაბილურ პაციენტზე, დანარჩენი მდგომარეობა ამ დროისთვის უცვლელია", – განაცხადა მარინა ეზუგბაიამ.

31 მარტის, 20:15 საათის მონაცემებით, საქართველოში კორონავირუსის 110 შემთხვევაა დადასტურებულ, 21 პაციენტი უკვე გამოჯანმრთელებულად მიიჩნევა. კარანტინის რეჟიმში 4 995 პაციენტი იმყოფება, ხოლო სტაციონალური მეთვალყურეობის ქვეშ 278.

31 მარტიდან საქართვლოში სამოქალაქო კარანტინი დილის 08:00 საათიდან გამოცხადდა, ამის შესახებ დღეს გამართულ ბრიფინგზე პრემიერ–მინისტრმა განაცხადა.

[ნუკა სტეფნაძე, ახალციხე]