სამცხე-ჯავახეთში თვითიზოლაციასა და კარანტინში მყოფი პირების რაოდენობა შემცირდა

ექვსი აპრილის მონაცემებით, ახალციხეში თვითიზოლაციაში 2, ბორჯომში 7, ახალქალაქში 6, ხოლო ნინოწმინდაში 2 მოქალაქეა, რაც შეეხება ასპინძასა და ადიგენს, აქ თვითიზოლაციაში არავინაა.

რეგიონში არსებულ კარანტინის ზონებში სულ 262 მოქალაქეა.

ახალციხეში არსებულ სასტუმრო “grand palace”-ის კარანტინის ზონაში 27 პირია, აბასთუმნის ფილტვის ცენტრი კი ამ დროისთვის ცარიელია, რაც შეეხება ბაკურიანში არსებულ ხუთ საკარანტინე ზონას, 235 მოქალაქე იმყოფება.

რეგიონის ექვსივე მუნიციპალიტეტის ჯანდაცვის ცენტრებში გვითხრეს, რომ კორონავირუსის შემთხვევები მათთან არ დაფიქსირებულა, ასევე ამ დროისათვის დამახასიათებელი სიმპტომებით სამედიცინო დაწესებულებებისათვის არავის მიუკითხავს.

ამ დროისათვის საქართველოში კორონავირუსის 188 დადასტურებული შემთხვევაა, მათგან 36 გამოჯანმრთელდა, ხოლო ორი გარდაიცვალა. საკარანტინე რეჟიმში 5 056 პირი, ხოლო სტაციონალური მეთვალყურეობის ქვეშ 386 პირია.

[მარიამ ბარძიმაძე, ახალციხე]