სამცხე-ჯავახეთში კარანტინსა და თვითიზოლაციაში სულ 1 175 პირია

27 მარტის მონაცემებით, აბასთუმნის, ახალციხისა და ბაკურიანის საკარანტინე ზონებში სულ 470 პირია. მათგან:

აბასუმანში - 22
ახალციხეში - 69
ბაკურიანში - 379

როგორც დაავადებათა კონტროლის ეროვნული ცენტრის სამცხე-ჯავახეთის განყოფილებაში განმარტავენ, კარანტინში მყოფი პირები თავს კარგად გრძნობენ.

„ბევრი გავუშვით, ამჟამად კი ჩვენთან 22 პირია, ორს კიდევ ვამზადებთ გასაშვებად. რამდენი შემოვა წინასწარ არ ვიცით. ვინც ჩვენთან არის, ყველა კარგად გრძნობს თავს“, - ამბობს აბასთუმნის ფილტვის ცენტრის კლინიკური მენეჯერი კახა ბერიძე.

რაც შეეხება რეგიონში, თვითიზოლაციაში მყოფ პირებს, მათი რაოდენობა 705-ია. მათგან:

ახალქალაქში - 337
ნინოწმინდაში - 185
ახაციხეში - 118
ასპინძაში - 29
ბორჯომში - 27
ადიგენში - 9

შსს-ს ინფორმაციით, საგანგებო მდგომრეობის რეჟიმის, მათ შორის საკარანტინე და თვითიზოლაციის წესების დარღვევისთვის, ფიზიკური პირი დაჯარიმდება 3 000 ლარით, ხოლო იურიდიული პირი 15 000 ლარით. პირის მიერ, იგივე ქმედების განმეორებით ჩადენა, იწვევს სისხლის სამართლის პასუხისმგებლობას, კერძოდ, 3 წლამდე ვადით თავისუფლების აღკვეთას.

მთავრობის მიერ შექმნილი ვებ-გვერდის მონაცემებით, 27 მარტს, ქვეყნის მასშტაბით სტატისტიკური მაჩვენებელი ასე გამოიყურება:

კორონავირუსის დადასტურებული შემთხვევა - 81, მათ შორის გამოჯანმრთელებული - 13
კარანტინის რეჟიმში - 4505
სტაციონარში მეთვალყურეობის ქვეშ - 247

[თაკო ფეიქრიშვილი, ახალციხე]