პირველი საუნივერსიტეტო კლინიკის ერთ–ერთი ყველაზე მძიმე პაციენტი გამოჯანმრთელდა

როგორც, ლევან რატიანი ამბობს აღნიშნული პაციენტის მდგიმარეობა იყო მძიმე და ლეტალურ შედეგს ელოდნენ. მისი გამოჯანმრთელება კი ქართული მედიცინის კიდევ ერთ გამარჯვებად ჩაითვალა.

„ყველაზე მძიმე პაციენტი, რომელიც იწვა ჩვენს კლინიკაში ეს იყო ქალბატონი თავისი ანალიზიდან გამომდინარე, დამძიმებული ანამნეზით. მას შემოსვლისთანავე დაუდასტურდა ორმხრივი მწვავე პნევმონია, სუნთქვის მწვავე უკმარისობა, მწვავე რესპირატორული სინდრომი. ვინაიდან უცნობია ვირუსის სტრატეგია ამ ეტაპამდე მედიკოსებისათვის, ამიტომ ყველანაირი კლინიკურ–ლაბორატორიული კვლევა ჩაუტარდა, როგორც ჯანმო–ს მიერ მოწოდებული, ასევე ჩვენს მიერ დანიშნული. გამომდინარე აქედან მინდა ყველას ვუთხრა, ეს ქალბატონი ეწერება ბინაზე. ანუ ეს მინდა ქართული მედიცინის კიდევ ერთ გამარჯვებად ჩავთვალო. ის კოვიდივირუსის გარეშე მე–14–ე დღეს მიდის ჩვენი კლინიკიდან. ეს რა თქმა უნდა კლინიკის მედპერსონალის დამსახურებაა,“ – განაცხადა რატიანმა.

როგორც, რატიანი ამბობს მსგავსი ტიპის ანამნეზით, პაციენტის ლეტალობის მაჩვენებელი 97%–ია.

„გუშინ ყველა ძალიან ბედნიერი ვიყავით. არსებობს რაღაც შკალები და ასეთი შკალების შეფასებით ასეთი შემთხვევა 97%–ში უნდა დასრულებულიყო ლეტალობით, მაგრამ საბედნიეროდ ეს პაციენტი გადარჩა და გაეწერა სადაც სახლში ორი კვირა იქნება თვითიზოლაციაში,“ – ამბობს რატიანი.

რატიანის განმარტებით, მათი კლინიკის თანამშრომლები ყაზარმულ რეჟიმში მუშაობენ, მუშაობიდან 14 დღის გასვლის შემდეგ, მედპერსონალს COVID 19-ზე ჩაუტარდა ანლიზი და ყველა ჩატარებულ ანალიზზე უარყოფითი მიიღეს.

ცნობისთვის საქართველოში კორონავირუსის შემთხვევა პირველად 26 თებერვალს დაფიქსირდა . ინფიცირების პირველი შემთხვევიდან ერთი თვე გავიდა ამ დროის განმავლობაში ქვეყანაში გარდაცალების ფაქტი არ ფიქსირდება.

[ნუკა სტეფნაძე, ახალციხე]