კორონავირუსით ინფიცირებული 10 პაციენტის მდგომარეობა მძიმეა

23 მარტის მონაცემებით, საქართველოში კორონავირუსით ჯამში 54 ადამიანი დაინფიცირდა, აქედან რვა გამოჯანმრთელდა, დანარჩენები კი საქართველოს სხვადასხვა კლინიკებში მკურნალობენ.

ამ ეტაპზე ინიფიცირებული 46 პაციენტიდან 30 თბილისის ინფექციურ საავდმყოფოშია. კლინიკის სამედიცინო დირექტოის, მარინა ეზუგბაის განცხადებით, ოთხს ორმხრივი პნევმონია აქვს.

„გუშინ 32 პაციენტი გვყავდა, აქედან ორმა უკვე დატოვა კლინიკა გამოჯანმრთელდა. ახლა უკვე გვყავს 30 პაციენტი, ოთხის მდგომარეობა პროგრესულად სერიოზულია, ანუ პრობლემური პაციენტები არიან. ეს პრობლემურობა გამოწვეულია ამ ოთხი პაციენტის ასაკობრივი ზღვარის გამო. ერთ–ერთ მათგანთან განსაკუთრებით მაღალასაკობრივი ზღვარია. თითოეულ პაციენტთან არის თანარსებული მძიმე დაავადებები. ერთს აღენიშნება ნერვოლოგიური დაავადებები, მეორესთან მძიმე ჰიპერტონია, შაქრიანი დიაბეტი და მძიმე პნევმონია. ჯერჯერობით არსებულ მკურნალობას გარკვეულწილად ექვემედებარებიან. მზარდი პროგრესირება არ შეიმჩნევა. თუმცა არ არის გამორიცხული, რომ მკურნალობის მიუხედავად დაავადების პროგრესირება გაგრძელდეს. და პროგნოზი შესაძლებელია არ იყოს კარგი,“ – განაცხადა მარინა ეზუგმაბიამ.

თსსუ–ს კლინიკის დირექტორის ლევან რატიანის განცხადებით მათ კლინიკაში ამ დროისთვის ექვსი ინფიცირებული პაციენტი იმყოფება.

„ჩვენს კლინიკაში სულ 56 პაციენტია, მათ შორის, ამ ეტაპისთვის მოთავსებულია ექვსი კოვიდინფიცირებული. ხუთი პაციენტის მდგომარეობა ამ ეტაპაზე მძიმეა. ვინაიდან, ჩატარებული კლინიკურ-ლაბორატორიული კვლევის მიხედვით ყველა მათგანთან დასტურდება მწვავე პნევმონია, დაბურული ფილტვის სინდრომით, თუმცა ამ ეტაპამდე მათი ზოგადი მდგომარეობა რჩება მძიმედ, საყურადღებოდ, მაგრამ მართვადია. რამდენიმე ქალი, რომელიც ჩვენს კლინიკაშია მოთავსებული, დამძიმებულია გულ-სისხლძარღვთა სისტემის პათოლოგიებით. მსოფლიო ჯანდაცვის ორგანიზაციის მიერ მოწოდებული მონაცემებით, მაღალი გართულება კლინიკური გამოვლინებების, სუნთქვის მწვავე უკმარისობის, არის არტერიული ჰიპერტენზია და გულის მწვავე უკმარისობა,“ – განმარტა ლევან რატიანმა.

[sknews.ge]