საქართველოში საყოველთაო კარანტინი გამოცხადდა

მთავრობის მეთაურის განცხადებით, 21 საათიდან დილის 6 საათამდე გადაადგილება აიკრძალა. მისი თქმით, შეზღუდვა ეხება, როგორც ქვეითად, ასევე ტრანსპორტით მოსიარულეებს ქალაქებში და ქვეყნის მასშტაბით.

„ეს ნიშნავს შემდეგს: სრულიად იკრძალება ნებისმიერი ტრანსპორტით გადაადგილება, მათ შორის მეტროთი. დასაშვებია მხოლოდ მსუბუქი ავტომობილებით, მათ შორის ტაქსით მგზავრობა იმ შემთხვევაში თუ იქნება გათვალისწინებული ჯანდაცვის სამინისტროს რეკომენდაცია და მანქანაში იქნება მხოლოდ სამი ადამიანი, მათ შორის მხოლოდ ორი მგზავრი უკანა სავარძელზე. ეს არის მნიშვნელოვანი რეკომენდაცია რომლის არ გათვალისწინების შემთხვევაში შესაბამისი ორგანოები მიიღებენ ზომებს“ – განაცხადა გიორგი გახარიამ.

მისივე თქმით, მგზავრთა გადაყვანა დასაშვებია მხოლოდ სტრატეგიულად მნიშვნელოვანი ობიექტების თანამშრომლებისთვის.

„ასევე ხვალიდან აიკრძალება სამზე მეტი პირის თავშეყრა ნებისმიერ სივრცეში გარდა სასურსათო მაღაზიებისა და აფთიაქებისა, სადაც სავალდებულოდ დაცული უნდა იყოს ორი მეტრი დისტანცია.“


[sknews.ge]