სამცხე-ჯავახეთს კიდევ ერთი საკარანტინო ზონა დაემატა

„გუშინ დაემატა კიდევ ერთი სასტუმრო ბაკურიანში, სულ დაახლოებით 110 იზოლირებული ოთახია და იქ მოქალაქეები უკვე მოთავსებულები არიან“, - ამბობს მხარის რწმუნებულის მრჩეველი გიორგი მიქელაძე.

23 მარტის მდგომარეობით რეგიონში კარანტინში 345 პირი იმყოფება.

მიქელაძის თქმით, სხვა სასტუმროების დამატების საჭიროება არაა, თუმცა ბევრ მსხვილ სასუტმროსთან მიმდინარეობს მოლაპარაკება.
საკარანტინო ზონები მოწყობილია ახალციხის სასტუმრო „გრანდ პალასში“, აბასთუმნის ფილტვის ცენტრში და ბაკურიანში.

ამ დროისთვის საქართველოში ახალი კორონავირუსის 54 შემთხვევაა დადასტურებული. უკვე გამოჯანმრთელებულია 8 პაციენტი. კარანტინის რეჟიმში 3320 ადამიანი იმყოფება, სტაციონარში მეთვალყურეობის ქვეშ კი - 235. კარანტინია გამოცხადებული მარნეულისა და ბოლნისის მუნიციპალიტეტებში.

[მარიამ ბარძიმაძე, ბორჯომი]