‘სიმპტომების გამოვლენის შემთხვევაში ჯერ ოჯახის ექიმს მიმართეთ’ - დევი ტაბიძე

„მინდა მოგმართოთ, რომ პირველ რიგში, სიმპტომების გამოვლინების დროს, ჯერ უნდა მიმართონ ოჯახის ექიმებს და ამის შემდეგ მოხდება გადანაწილება და მივიღებთ პაციენტებს“, - განაცხადა ბრიფინგისას დევი ტაბიძემ.

მისივე თქმით, დღეს კლინიკაში კიდევ ორი პაციენტი შეიყვანეს, მანამდე კი რესპუბლიკურ საავადმყოფოში 48 პაციენტი იმყოფებოდ ა- „საერთო მდგომარეობა პაციენტების არის დამაკმაყოფილებელი. ერთი პაციენტი გვყავს, რომელიც იმყოფება მართვით სუნთქვის აპარატზე, ოღონდ აქ მდგომარეობა ისეთია, რომ არ არის COVID- 19 დადასტურებული. უბრალოდ, არის ორმხრივი პნევმონია და თანმხლები დაავადებები. პაციენტი არის ასაკოვანი, 80 წელს გადაცილებულია. ამიტომ აქ მდგომარეობა გართულებულის მსგავსია მაგრამ ინფექცია დადასტურებული არ არის“.

ამ ეტაპზე, რესპუბლიკურში პასუხს ხუთი პიროვნების ტესტზე ელოდებიან.

დღესვე ცნობილი გახდა, რომ სამედიცინო უნივერსიტეტის 25 სტუდენეტი საკარანტინე ზონებში მოხალისედ იმუშავებს. „დღეს და გუშინ მათ ტრენინგი გაიარეს და გავლენ იმ სასტუმროებში, სადაც კარანტინია და გაგვიწევენ დიდ დახმარებას“, - აცხადებს ტაბიძე.

[sknews.ge]