თენგიზ ცერცვაძე: ‘კორონავირუსით ინფიცირებული 2 პაციენტის მდგომარეობა მძიმეა’

ფოტო:იმედი

თენგიზ ცერცვაძის განცხადებით, თბილისის ინფექციურ საავადმყოფოში 46 პაციენტი ჰყავთ, აქედან 30 პირს კორონავირუსი აქვს. გარდა ამისა, კორონავირუსით ინფიცირებული შვიდი პაციენტი ქვეყნის სხვადასხვა კლინიკებშია გადანაწილებული.

„37 პაციენტიდან ორის მდგომარეობა მძიმეა. რამდენიმე პაციენტი პრობლემურია, რამდენადაც მათ აქვთ ასაკი და აქვთ თანმხლები დაავადებები, მაგალითად მაღალი არტერიული წნევა, ან გულის უკმარისობა ან სხვა. სულ პნევმონია აქვს 11 ავადმყოფს. რამდენიმე პაციენტის მდგომარეობა საშუალო სიმძიმისაა, ვისაც პნევმონია აქვს, ხოლო დანარჩენი პაციენტების მდგომარეობა არის მსუბუქი“, - განაცხადა თენგიზ ცერცვაძემ ჟურნალისტებთან

18 მარტის, 20:30 საათის მონაცემებით საქართველოში კორონავირუსით ინფიცირების 38 დადასტურებული შემთხვევაა. კარანტინის რეჟიმში იმყოფება 1 344 ადამიანი, ხოლო სტაციონარში მეთვალყურეობის ქვეშ 216.

[sknews.ge]