ინფექციურ საავადმყოფოში ერთ-ერთი მძიმე პაციენტის მდგომარეობა დასტაბილურდა

მარინა ეზუგბაიას თქმით, სტაბილურია ინფექციურ საავადმყოფოში მყოფი 80 წელს გადაცილებული ქალის მდგომარეობაც: „სიტუაცია არ გაუარესებულა, მაგრამ მისი მდგომაროების გაუმჯობესებას ჯერ-ჯერობით არ მოველოდებით. ეს არის პრობლემური ქალბატონი ასაკისა და თანდაყოფილილი დაავადების გამო და გარკვეულ პერიოდში, ნებისმიერ დროს მოსალოდნელია დაავადების პროგრესირება, მაგრამ ყველაფერი ნორმალურად მიდის და გაუარესების დინამიკა არ გვაქვს“.

რაც შეეხება კორონავირუსით ინფიცირებული ხუთი ახალი პაციენტს, ორი ინფექციურ საავადმყოფოში იმყოფება, დანარჩენები კი სხვა ცენტრებში არიან მოთავსებული.

„როგორც ჩემთვის ცნობილია, დანარჩენი პაციენტები სხვა ცენტრებში არიან მოთავსებული. მათგან ერთი არის ჩვენთან მოთავსებული პაციენტებიდან ერთი-ერთი ჯგუფის კონტაქტი, ორი არის შემოტანილი შემთხვევა და მათი კონტაქტების მოძიება მიმდინარეობს. წუხელ გვიან გახდა ცნობილი ეს მონაცემები.

ის, ვინც ჩვენი პაციენტების კონტაქტები არიან, რა თქმა უნდა, ყველანი იმყოფებიან თვითიზოლაციაში ან საკარატნიო სივრცეში. ხუთიდან თუ არ ვცდები, ორი არის ახალი შემოტანილი შემთხვევა, რომელიც შემოტანილია და დადასტურებულია. ანუ საზღვრის გადმოკვეთასთან ერთად არის ცნობილი. როგორც ვიცი, ისინიც საკარანტინო სივრცეში მოთავსდნენ, მაგრამ ახალი შემოტანილი შემთხვევებია. დანარჩენი, როგორც გითხარით, ჩვენი პაციენტების კონტაქტებია. ისინი თვითიზოლაციაში იმყოფებოდნენ“ ,- განაცხადა მარინა ეზუგბაიამ.

[sknews.ge]