‘ვაცხადებ საგანგებო მდგომარეობას საქართველოს მთელ ტერიტორიაზე’-პრეზიდენტი

„ახალი კორონავირუსის მასობრივი გავრცელებისა და მზარდი გამოწვევიდან გამომდინარე, ჯანმრთელობის საერთაშორისო ორგანიზაციის მიერ გამოცხადებული პანდემიისათვის მზაობის გათვალისწინებით და იმისათვის, რომ სახელმწიფომ შეძლოს საზოგადოების წინაშე თავისი კონსტიტუციური ვალდებულების შესრულება, ქვეყნის მოსახლეობის სიცოცხლისa და ჯანმრთელობის დაცვა, მოსალოდნელი საფრთხის შემცირება, პრემიერ-მინისტრის წარდგინების საფუძველზე და კონსტიტუციის 71-ე მუხლის თანახმად, ვიღებ გადაწყვეტილებას და ვაცხადებ საგანგებო მდგომარეობას საქართველოს მთელ ტერიტორიაზე",- განაცხადა საქართველოს პრეზიდენტმა.

მისი თქმით, ეს გადაწყვეტილება ძალაში შედის გამოცხადებისთანავე.

„კონსტიტუციის 71 მუხლისა და საგანგებო მდგომარეობის შესახებ კანონის მეორე მუხლის თანახმად, გამოვცემ დეკრეტს რომლის შესაბამისად საქართველოს ტერიტორიაზე საგანგებო მდგომარეობის მოქმედების ვადით შეზღუდება საქართველოს კონსტიტუციით განსაზღვრული რიგი უფლებები, მათ შორის გადაადგილებისა და მიმოსვლის, საკუთრების შეკრებისა და თავშეყრის უფლებების და საჯარო სერვისების მიწოდების შესაძლებლობა“,-განაცხადა ზურაბიშვილმა.

პრემიერ–მინისტრმა, გიორგი გახარიამ განაცხადა, რომ მთავრობა მიმართავს პრეზიდენტს, რათა ქვეყნის მასშტაბით 21 აპრილამდე საგანგებო მდგომარეობა გამოცხადდეს.

[sknews.ge]