ბორჯომში ქუჩებს აკურთხებენ

დღეს, 19 მარტს მართლმადიდებელი ეკლესიის სასულიერო პირები ბორჯომში მანქანით გადაადგილდებიან და ქუჩებს აკურთხებენ.

ამ ფორმით სასულიერო პირები და მრევლი უფალს სთხოვენ, რომ გავრცელებული სენისგან ხალხი დაიცვას.

„მეუფე ლაზარეს ლოცვა–კურთხევით იკურთხა ბორჯომის და ბაკურიანი ქუჩები. აღსრულდა ღვთისმშობლის სავედრებელი პარაკლისი. ვევედრებით ღმერთს, რომ დაიფაროს სრულიად საქართველო, მთელი მსოფლიო ამ განსაცდელისაგან. უფალი შეგვეწიოს და მოგვიტევოს ჩვენი შეცოდებები და მოგვცეს მადლი და წყალობა“– განაცხადა ბორჯომის წმინდა ილია თეზბიტელის სახელობის ეკლესიის დეკანოზმა იოანე ხეცურიანმა.

მისი თქმით, ასევე აკურთხებენ მუნიციპალიტეტის ყველა სოფელს, სტიქაროსნებთან და მგალობლებთან ერთად.

[ნუკა სტეფნაძე, ბორჯომი]