მართლმადიდებელი ეკლესია 21 სექტემბერს ღვთისმშობლის შობას აღნიშნავს [Photo]

დღეს, 21 სექტემბერს, დღესასწაულთან დაკავშირებით მოქმედ ტაძრებში წირვა–ლოცვა აღევლინება. წმინდა მარინეს სახელობის ეკლესიაში წირვას მღვდელი გიორგი ქურდაძე ატარებს.

„ყველა მართლმადიდებელ ქრისტიანს ვულოცავ ღვთისმშობლის შობის დღესასწაულს. მისი მადლი შეეწიოს ჩვენს ქვეყანას“,– ამბობს ეკლესიის მრევლი ნათელა ქებაძე.








ყოვლადწმინდა ღვთისმშობელი გალილეის პატარა ქალაქ ნაზარეთში დაიბადა. მამა, მართალი იოაკიმე, დავით მეფის ტომიდან იყო, ხოლო დედა, მართალი ანა–პირველი მღვდელთავრის აარონის შთამომავალი.

ღვთისმოშიშ ცოლ–ქმარს შვილი ხანდაზმულ ასაკში შეეძინათ. მათ აღთქმა დადეს, თუ ღმერთი შვილს მისცემდათ, ახალშობილს ტაძარში მსახურებისთვის უფალს მიუძღვნიდნენ.უფალმა იოაკიმესა და ანას ლოცვა–ვედრება შეისმინა. მთავარანგელოზმა გაბრიელმა ამცნო ანას, რომ იგი მუცლად იღებდა. ყოვლადწმინდა ღვთისმშობელი საკუთარ სახლში სამი წელი იზრდებოდა.

მართალი იოაკიმ და ანა ეკლესიის მიერ „მშობლებად ღმრთისა“ იწოდებიან. როგორც უფალ იესო ქრისტეს ხორციელნი წინაპარნი. მათ განსაკუთრებული მადლი აქვთ ღვთისაგან–უშვილოებს შვილი მიანიჭონ. შეწყვიტონ მიწისძვრები და დააცხრონ ქარიშხლები.

[მარიამ ბარძიმაძე, ახალციხე]