‘სამი პაციენტი არის პრობლემური, მდგომარეობა შეიძლება დაგვიმძიმდეს’ – მარინა ეზუგბაია

„სამი პაციენტი არის პრობლემური, მათ გარკვეულწილად რისკის შემცველი გარემოებები აქვთ. ერთ-ერთი ასეთი რისკია ის, რომ ერთ პაციენტს, რომლის ასაკი არის 80 წელზე მეტის და მას აქვს თანმხლები დაავადება მძიმე ნევროლოგიური დაავადების სახით. ასეთ შემთხვევაში ჩვენ შეიძლება პაციენტის მდგომარეობა დაგვიმძიმდეს, დაავადების მიმდინარეობის ნებისმიერ პერიოდში და პროგნოზი შეიძლება გახდეს არაკეთილსაიმედო. ამიტომ ვლაპარობთ, რომ ეს პაციენტი პრობლემურია. გარდა ამისა, ორი პრობლემური პაციენტი გვყავს, ისინიც გარკვეულწილად პრობლემატური არიან, რადგან ერთთან არის ჰიპერტონული დაავადება და ამიტომ ამ პაციენტთანაც შესაძლებელია დაავადების პროგრესირება, გართულება, ნებისმიერ პერიოდში და პროგნოზულად ცუდი გამოსავალი. მესამე მძიმე პაციენტთან ამ ეტაპზე სუბიქეტურ-ობიექტური მდგომარეობა დამაკმაყოფულებელია, მაგრამ კომპიუტერული ტომოგრაფიით, დინამიურად გაუარესებული გვქონდა მაჩვენებლი. პროგნოზულად, მაინც ამ სამ პაციენტთან მდგომარეობა სერიოზულია და დინამიურად სჭირდებათ კვლავ დაკვირვება და გამოსავალზე საუბარი“,- განმარტა ეზუგბაიამ.

მისი განმარტებით, დანარჩენი პაციენტების მდგომარეობა სტაბილურია.

„დანარჩენ პაციენტთებთან ნაწილთან არის პნევმონიები, საშუალო სიმძიმის და ნაწილთან მსუბუქი სიმძიმის, ყველასთან დაავადების მიმდინარეობა სტაბილურია, არსად პროგრესირება არ შეიმჩნევა და ველოდებით, მათთან ალბათ უნდა დადგეს გამოჯანმრთელბა, თუმცა კვლავ ვლაპარაკობ, რომ დაავადების დასაწყისში პირველი 13–14 დღის განმავლობაში მაინც მოსალოდნელია დაავადების პროგრესირება და პროცესის დამძიმება და შესაძლებელია იყოს ცუდი გამოსავალი“ ,- განაცხადა მარინა ეზუგბაიამ.

19 მარტის მონაცემებით, საქართველოში კორონავირუსის 40 შემთხვევაა დაფიქსირებული, აქედან ერთი პაციენტი, რომელსაც ქვეყანაში ვირუსი პირველს დაუდგინდა, გამოჯანმრთელდა და კლინიკიდან გაწერეს.

ასევე გირჩევთ:

როგორია კორონავირუსის სიმპტომები და რა შემთხვევაში უნდა მიმართოთ ექიმს?

კორონავირუსის ახალი შემთხვევები და დაავადებათა კონტროლის ცენტრის რეკომენდაციები

რა უნდა გაითვალისწინოთ თვითიზოლაციაში ყოფნის დროს – რეკომენდაციები

[sknews.ge]