ახალციხის მერის მრჩეველთა საბჭოს თავმჯდომარემ თანამდებობა დატოვა

ფოტო: ახალციხის მერია

„ერთადერთი მიზეზი რატომაც დავტოვე ისააა, რომ დრო არ მაქვს. ვმუშაობ ავსტრიულ კომპანიაში და ბევრი საქმე მაქვს“, - ამბობს რუხაძე.

რუხაძე ამბობს, რომ საბჭო აქტიურად ვერ მუშაობს, რადგან წევრები შეხვედრებს ხშირად არ ესწრებიან.

„საბჭოს შეხვედრებს, 26 წევრიდან დაახლოები 9-10 ადამიანი ყოველთვის აკლდა. ჯგუფს შეეძლო, რომ უფრო ინტენსიურად ემუშავა, უფრო ჩართულები ყოფილიყვნენ პროცესში“.

ნინო რუხაძე ახალციხის მერის მერჩეველთა საბჭოს თავმჯდომარედ ხმათა უმრავლესობით 2019 წლის 19 მარტს აირჩიეს.

დღევანდელ საბჭოს სხდომას მუნიციპალიტეტის მერი ზაზა მელიქიძე უძღვებოდა.

სხდომაზე დღის წესრიგით გათვალისწინებული საკითხები განიხილეს. მათ შორის, შეაჯამეს 2019 წელს მუნიციპალიტეტში განხორციელებული ინფრასტრუქტურული პროექტები, იმსჯელეს მიმდინარე და დაგეგმილ სამუშაოებზე, მოისმინეს საბჭოს წევრების რეკომენდაციები და წინადადებები.

ზაზა მელიქიძემ შეხვედრის მონაწილეებს, იმ პროექტების შესახებ მიაწოდა ინფორმაცია, რომელთა განხორციელებაც იგეგმება მუნიციპალიტეტში 2020 წელს, როგორც ცენტრალური ისე ადგილობრივი ბიუჯეტების დაფინანსებით. დეტალურად ისაუბრა რეგიონებში განსახორციელებელი პროექტების ფონდიდან დაგეგმილ მასშტაბურ პროექტებზე, „სოფლის მხარდაჭერის პროგრამაზე“, სკოლებისა და ამბულატორიების მშენებლობა-რეაბილიტაციაზე.

მრჩეველთა საბჭო მერთან არსებული სათათბირო ორგანოა, რომელიც საქმიანობს საქართველოს ორგანული კანონის „ადგილობრივი თვითმმართველობის კოდექსით“ დადგენილი წესით. საბჭო 29 წევრისგან შედგება და იგი სამოქალაქო სექტორის, კულტურის, განათლებისა და ბიზნესის სფეროს წარმომადგენლებს აერთიანებს. დებულების თანახმად საბჭო მინიმუმ სამ თვეში ერთხელ იკრიბება.

[მარიამ ბარძიმაძე, ახალციხე]