ახალციხის მერიაში სამოქალაქო მრჩეველთა საბჭოს შეხვედრა გაიმართა

შეხვედრას მუნიციპალიტეტის მერი ზაზა მელიქიძე უძღვებოდა. მერმა შეხვედრის მონაწილეებს, იმ მნიშვნელოვანი და მასშტაბური პროექტების შესახებ მიაწოდა ინფორმაცია, რომელთა განხორციელებაც იგეგმება მუნიციპალიტეტში სამხარეო ადმინისტრაციისა და ცენტრალური ხელისუფლების მხარდაჭერით. საბჭოს წევრებმა კი მუნიციპალიტეტის ხელმძღვანელს თავიანთი წინადადებები და მოსაზრებები გააცნეს.

აღნიშნული საბჭო მერთან არსებული სათათბირო ორგანოა, რომელიც საქმიანობს საქართველოს ორგანული კანონის „ადგილობრივი თვითმმართველობის კოდექსით“ დადგენილი წესით. საბჭო 27 წევრისგან შედგება და იგი სამოქალაქო სექტორის, კულტურის, განათლებისა და ბიზნესის სფეროს წარმომადგენლებს აერთიანებს. დებულების თანახმად საბჭო მინიმუმ სამ თვეში ერთხელ იკრიბება.

[sknews.ge]