წიგნიერების დონით ქართველი მოსწავლეები, 79 ქვეყანას შორის ბოლოდან მერვე ადგილზე არიან

კვლევაში რომელიც 2018 წელს ჩატარდა, მონაწილეობა 79 ქვეყნის 6 000–მა მერვე კლასელმა მოსწავლემ მიიღო. ისინი წიგნიერებაში, მათემატიკასა და საბუნებისმეტყვლო საგნებში შემოწმდნენ.

მათემატიკაში ქართველმა მოსწავლეებმა 79 ქვეყანას შორის ბოლოდან მე–13 ადგილი, ხოლო ქიმია, ფიზიკა ბიოლოგიაში კი ბოლოდან მეხუთე ადგილი დაიკავეს.

ქართველ მოსწავლეებს კვლავ უჭირთ წაკითხულიდან აზრის გამოტანა, აქვთ სუსტი მათემატიკური უნარები და უჭირთ საბუნებისმეტყველო მეცნიერებები.

გამოცდებისა და შეფასების ეროვნული ცენტრის დირექტორის სოფო გორგოძის განცხადებით, „ყველაზე მნიშვნელოვანი პრობლემა კითხვაშია, რაც შეეხება მათემატიკას ათწლიან პერსპექტივაში არის მნიშვნელოვანი გაუმჯობესება. საბუნებისმეტყველო მეცნირებებში კი ოდნავ არის გაუმჯობესება“.

მოსწავლეთა შეფასების საერთაშორისო პროგრამა (PISA) კვლევებს სამ წელიწადში ერთხელ ატარებს.

PISA საერთაშორისო კვლევაა, რომელიც ამოწმებს 15 წლის მოზარდების მზაობას, გაუმკლავდნენ ყოველდღიურ გამოწვევებს იმ ცოდნისა და უნარების გამოყენებით, რომლებიც სკოლაში მიიღეს. ეს ის ასაკია, როცა მოსწავლეები თითქმის ასრულებენ სავალდებულო განათლების კურსს.

PISA-ს მიზანს არ წარმოადგენს, შეამოწმოს, თუ რამდენად კარგად აითვისეს მოსწავლეებმა უშუალოდ სკოლის პროგრამა, არამედ მიმართულია განსაზღვროს, რამდენად კარგად არიან მოსწავლეები მომზადებულები საზოგადოებრივ ცხოვრებაში აქტიური და სრულფასოვანი ჩართულობისათვის.

[sknews.ge]