არაქართველ მოსწავლეებს გამოცდის ჩაბარება არ უჭირთ

გამოცდა დილის ცხრა საათიდან მიმდინარეობს, ექცს-ექვსი მოსწავლე გამოცდაზე ეტაპობრივად გადის.

სკოლის დირექტორის სვეტა არუთუნიანის განცხადებით, გამოცდა სრული წესრიგის დაცვით მიმდინარეობს: „ჩემი სკოლიდან 41 მოსწავლე გადის საატესტატო გამოცდებზე, ამათგან, ცხრა ექსტერნი და წინა წელს ჩაჭრილი მოსწავლეები არიან. გამოცდას სამინისტროს ორი წარმომადგენელი აკვირდება“.

მოსწვლეების უმრავლესობას ტესტს დაწერა არ გასჭირვებია. ასია გრიგორიანი გამოცდის დაწყებიდან ათ წუთში გამოვიდა და უმაღლესი შეფასება, 10 ქულა მიიღო.

8, 57 ქულა მიიღო ვართანუშ დანელიანმა. მისი თქმით, პრეტესტიც ადვილი იყო და გამოცდაც.

გამოსაშვები გამოცდები კომპიუტერულად, ე.წ. CAT-ის სისტემით ტარდება.

ეროვნული საგამოცდო ცენტრის ინფორმაციით 2012 წლის გამოსაშვები გამოცდებისთვის ცენტრში სპეციალური პროგრამა, ე. წ. Gcat browser-ი შეიქმნა, რომელიც უზრუნველყოფს ტესტირების დაცულობასა და საიმედოობას, პროგრამა ზღუდავს ყველა სტანდარტულ პროცედურას ტესტირების განმავლობაში (მაგ.: ფრაზის, სიტყვის კოპირება და ა.შ.).


ქართულ ენისა და ლიტერატურის შემდეგ, დამამთავრებელი კლასის მოსწავლეები 22 მაისს გამოცდას უცხო ენაში; 23 მაისს - ისტორიაში; 24 მაისს - გეოგრაფიაში; 25 მაისს - ფიზიკაში; 28 მაისს - ქიმიაში; 29 მაისს - ბიოლოგიაში, ხოლო 30 მაისს - მათემატიკაში ჩააბარებენ.

[თინათინ ზაზაძე, ახალციხე]