ფარეხასთან ავარიისას 24 წლის ბიჭები გარდაიცვალნენ

გარდაცვლილები და დაშავებული, ახალციხელები არიან. სამ მეგობარს თ.ს, გ.თ და მ.კ–ს ავარია „ლექსუსის“ მარკის მანქანით მოუვიდათ.

ერთ–ერთი გარდაცვლილის მეგობარი ამბობს, რომ მანქანა რამდენჯერმე ამოტრიალდა. მანქანის ნაწილები კი დაახლოებით 20 მეტრის მანძილზეა მიმოფანტული.

ავტომობილს გ.თ მართავდა, ის საქართველოს შეიარაღებულ ძალებში მუშაობდა. ფარეხასთან ავარია დღეს, 22 ნოემბერს მოხდა.

შინაგან საქმეთა სამინისტრომ გამოძიება 276 მუხლის მერვე ნაწილით დაიწყო. რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

დაახლოებით იგივე გზაზე, ფარეხასთან ავარია 28 ოქტომბერსაც მოხდა, რა დროსაც მანქანაში მჯდომი და–ძმა გარდაიცვალა, დედა კი მძიმედ დაშავდა.



[მარიამ ბარძიმაძე, ახალციხე]