როგორია ახალციხეში ავარიისას დაშავებულების მდგომარეობა

„ერთ–ერთს ჭრილობა ჰქონდა თავზე და ნაკერი დავადეთ, მოტეხილობები არ აქვთ, მხოლოდ დაჟეჟილობები აღენიშნებათ“, - გვითხრეს ახალციხის რეფერალურ ჰოსპიტალში.

ავარია დღეს, 9 სექტემბერს, კოსტავას ქუჩაზე მოხდა, მიცუბიშის მარკის მანქანა ტროტუარზე შევარდა და ორ პირს დაეჯახა.

შსს-მ გამოძიება სსკ-ის 276-ე მუხლის მეორე ნაწილით დაიწყო, რაც სატრანსპორტო საშუალების მოძრაობის უსაფრთხოების წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია. ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

[მარიამ ბარძიმაძე]