კახა სამხარაძე სამცხე–ჯავახეთის უნივერსიტეტის სტუდენტებს შეხვდა

შეხვედრას გუბენრატორის მოადგილე გიორგი მიქელაძე, ასევე, სამცხე–ჯავახეთის უნივერსიტეტის ადმინისტრაციის წარმომადგენლები და პროფესორ–მასწავლებლები ესწრებოდნენ.

კახა სამხარაძემ სტუდენტებთან რეგიონში ტურიზმისა და სოფლის მეურნეობის განვითარებაზე, ამ მხრივ კი საუნივერსიტეტო პროგრამების გაძლიერებაზე ისაუბრა. ასევე, მან რეგიონის არაქართულენოვანი მოსახლეობის ინტეგრაციის პროცესში უნივერსიტეტის როლზეც გაამახვილა ყურადღება.

„საოცრად ნიჭიერი და კრეატიული ახალგაზრდობა გვყავს უამრავი საინტერესო იდეით, ჩემი დიდი სურვილია ერთობლივად ძალიან ბევრი ღონისძიება და პროექტი განვახორციელოთ. მზად ვართ მივიღოთ თქვენგან საინტერესო იდეები და ინიციატივები, მოვაწყოთ ერთობლივი აქციები“ - განაცხადა გუბერნატორმა უნივერსიტეტის სტუდენტებთან საუბრისას.

შეხვედრაზე, გუბერნატორი და უნივერსიტეტის ადმინისტრაცია სამომავლოდ აქტიური ურთიერთობების გაღრმავების აუცილებლობაზე შეთანხმდნენ. კახა სამხარაძემ გამოთქვა მზადყოფნა, რომ სტაჟირების სახელმწიფო პროგრამის ფარგლებში, სტუდენტებს გუბერნატორის ადმინისტრაციაში, ასევე, ადგილობრივ თივთმმართველობებში აქტიურად ჩართავს.



[sknews.ge]