გუბერნატორისა და სტუდენტების ორდღიანი ექსპედიცია ახალქალაქში ხვალ დაიწყება

სამცხე–ჯავახეთის გუბერნატორის კახა სამხარაძის და სტუდენტების ექსპედიცია 26 ივლისს ახალქლაქის ციხიდან დაიწყება, სადაც ადგილობრივი თვითმმართველობის წარმომადგენლებს შეხვდებიან და მიმდებარე ტერიტორიასაც დაასუფთავებენ.

ამავე დღეს ექპედიციის წევრები მოინახულებენ: კუმურდოს მონასტერს, ახალქლაქში არსებულ სომხურ სამოციქულო და მართლმადიდებლურ ტაძრებს, ბარალეთის ეკლესიას, იხტილის ეკლესიას, სამსარის სამონასტრო კომპლექსს და დღის ბოლოს არაგვას ეკელესიის მიმდებარედ დაბანაკდებიან.

27 ივლისს კი ახალქლაქში ექსპედიცია კარწახის საბაჟო გამშვები პუნქტის მუშაობის გაეცნობით გაგრძელდება, აქვე მოინახულებენ დაცულ ტერიოტორიებს. მოეწყობა შეხვედრები ახალქალაქის მერიაში ადგილობრივი თვითმმართველობის წევრებთან, ასევე სამცხე–ჯავახეთის უნივერსიტეტის ახალქალაქის კორპუსის სტუდენტებთან, ექსპედიციის დასასრულს კი კულტურის სახლში გაიმართება გამოფენა, შემდეგ ადგილობრივი ცეკვისა და სიმღერის ანსამბლების მონაწილეობით კონცერტი ჩატარდება.

როგორც სამცხე–ჯავახეთის გუბერნატორის მოადგილე გიორგი მიქელაძე განმარტავს, ექსპედიციის წევრები დაათვალიერებენ ინფრასტრუქტურულ პროექტებს, მათ შორის ბარალეთის საბავშვო ბაღის და არაგვა–გომანოს გზის რეაბილიტაციას, პარალელურად შეხვედრები გაიმართება ადგილორივ მოსახლეობასთან.

შეგახსენებთ, რომ მხარის გუბერნატორმა სტუდენტებთან ერთად ექსპედიცია უკვე მოაწყო ახალციხის, ასპინძის, ბორჯომისა და ადიგენის მუნიციპალიტეტებში. ინიციატივის მიზანია სტუდენტებმა მუნიციპალიტეტებში თავიანთი თვალით დანახული პრობლემების შესახებ წინადადებები მოამზადონ.

გუბერნატორისა და სტუდენტების ექსპედიცია დაგეგმილია ნინოწმინდაშიც, რომელიც სავარაუდოდ მომავალ კვირაში მოეწყობა.

[ლუბა გიორგაძე, ახალციხე]