პროგრამა FLEX-ის შესარჩევი ეტაპი იწყება

პროგრამაში მონაწილეობის მისაღებად, სამცხე-ჯავხეთში შესარჩევი ეტაპი სამ ქალაქში გაიმართება.
ესენია:

ნინოწმინდა - 16 სექტემბერი, 10:00 საათი - N1 საჯარო სკოლა;
ახალციხე - 21 ოქტომბერი, 10:00 საათი - N5 საჯარო სკოლა;
ბორჯომი - 23 ოქტომბერი, 10:00 საათი - N3 საჯარო სკოლა.

გარდა ამისა, შესარჩევი ეტაპი გაიმართება გორში, თელავში, ქუთაისში, რუსთავში, ზუგდიდში, ბათუმში, მარნეულსა და თბილისში.

კონკურსანტებმა ტესტირების გავლისას თან უნდა იქონიონ:

- დაბადების მოწმობა, ან პასპორტი, ან პირადობის მოწმობა (აუცილებლად ამ დოკუმენტის დედანი);
- ერთი ცალი 3X4–ზე ახლახანს გადაღებული ფოტოსურათი;
- შავი საწერი კალამი;

კონკურსში მონაწილეობა შეუძლიათ IX, X, XI კლასის მოსწავლეებს, რომლებიც დაბადებული არიან 2003 წლის 1 იანვრიდან 2005 წლის 16 ივლისამდე.

ასევე კონკურსანტი:

- უნდა იყოს კარგი ან საუკეთესო აკადემიური მოსწრების მქონე;
- აკმაყოფილებენ ამერიკის ვიზის მოთხოვნებს;
- ფლობენ ინგლისურ ენას;
- უნდა იყოს საქართველოს მოქალაქე, რომელსაც შეუძლია საქართველოს პასპორტის მიღება.
პროგრამაში მონაწილეობის მიღება შეუძლიათ შეზღუდული შესაძლებლობის მქონე მოსწავლეებსაც. მათთვის ასაკობრივი და სასკოლო კრიტერიუმი განსხვავებულია. შშმ პირი უნდა იყოს VIII, IX, X, XI და XII კლასის მოსწავლე. დაბადებული - 2002 წლის 15 თებერვლიდან 2005 წლის 16 ივლისამდე.
მოსწავლეებს წელიწადში მხოლოდ ერთხელ შეუძლიათ კონკურსის პირველ რაუნდში მონაწილეობის მიღება.
პროგრამაში წინასწარი რეგისტრაცია საჭირო არ არის.
მომავალ ლიდერთა გაცვლითი პროგრამა (FLEX) არის ყოფილი საბჭოთა კავშირის 10 ქვეყნის, მათ შორის საქართველოს, ზოგადსაგანმანათლებლო სკოლების მოსწავლეთათვის განკუთვნილი გაცვლითი პროგრამა. იგი აშშ-ს სახელმწიფო დეპარტამენტის მიერ სრულად ფინანსდება.

[თაკო ფეიქრიშვილი, ახალციხე]