პროგრამა FLEX-ი შესარჩევ კონკურსს აცხადებს

პროგრამა FLEX–ის მიერ გამოცხადებულ კონკურსში მონაწილეობა 15–17 წლის მოსწავლეებს შეუძლიათ. მათ საშუალება აქვთ ამერიკულ კულტურასა და ხალხს საერთაშორისო გაცვლითი პროგრამების მეშვეობით გაეცნონ.

პროგრამის მონაწილეების შესარჩევად, სპეციალური ტესტირება ქვეყნის მასშტაბით 11 ქალაქში, სხვადახვა დროს გაიმართება. შესარჩევი ტური სამცხე–ჯავახეთში სამ ქალაქში ჩატარდება:

ახალციხე, N5 საჯარო სკოლა – 12 ოქტომბერი, 10:00 საათი;

ბორჯომი, N 3 საჯარო სკოლა – 10 ოქტომბერი, 10:00 საათი;

ნინოწმინდა, N 1 საჯარო სკოლა – 10 ოქტომბერი,10:00 საათი;

მარნეული, N 5 საჯარო სკოლა – 21 სექტემბერი, 10:00 საათი;

თელავი, N 7 საჯარო სკოლა – 24 სექტემბერი, 10:00 საათი;

რუსთავი, N 4 საჯარო სკოლა – 26 სექტემბერი, 10:00 საათი;

გორი, N 3 საჯარო სკოლა – 27 სექტემბერი, 10:00 საათი;

ბათუმი, N 10 საჯარო სკოლა – 1 ოქტომბერი, 10:00 საათი;

ქუთაისი, N 3 საჯარო სკოლა – 1 ოქტომბერი, 10:00 საათი;

ზუგდიდი, N 1 საჯარო სკოლა – 3 ოქტომბერი, 10:00 საათი;

თბილისი, ამერიკული საბჭოების ოფისი (მხოლოდ შშმ მოსწავლეთათვის) – 19 ოქტომბერი, 10:00 საათი;

თბილისი, N 55 საჯარო სკოლა – 22 ოქტომბერი, 10:00 საათი;

კონკურსანტებს ტესტირების გავლა ერთ–ერთ ცენტრში შეუძლიათ. მათ თან უნდა იქონიონ:
•დაბადების მოწმობა ან პასპორტი ან პირადობის მოწმობა.
•ერთი ფოტოსურათი ზომით 3X4
•საწერი კალამი

კონკურსი სამი ეტაპისგან შედგება:

•ინგლისურის მოკლე ტესტი
•თემები ინგლისურად
•ინგლისურის სტანდარტული ტესტი, თემები, აპლიკაცია და ინტერვიუ.

მომავალ ლიდერთა გაცვლითი პროგრამა (FLEX) არის ყოფილი საბჭოთა კავშირის 10 ქვეყნის, მათ შორის საქართველოს, ზოგადსაგანმანათლებლო სკოლების მოსწავლეთათვის განკუთვნილი გაცვლითი პროგრამა. იგი აშშ-ს სახელმწიფო დეპარტამენტის მიერ სრულად ფინანსდება.

2015-2016 წლებში, FLEX-ის პროგრამის ფარგლებში, ამერიკაში 800 სტუდენტი ჩაირიცხა და მათ შორის 80 ქართველი. პროგრამაში მონაწილეობას იღებენ შეზღუდული შესაძლებლობების მქონე მოსწავლეებიც. FLEX-ის შესარჩევ კონკურსში მონაწილეობის მიღება, მოსწავლეებს წელიწადში მხოლოდ ერთხელ შეუძლიათ.

[თაკო ფეიქრიშვილი, ახალციხე]