მერაბ ბერიძეს ქართული კულტურის რაინდის წოდება მიანიჭეს

მერაბ ბერიძეს რაინდის წოდება, მეცნიერების და კულტურის დარგში შეტანილი განსაკუთრებული წვლილისთვის მიენიჭა.

„ძალიან მიშვნელოვანი დღე გახლავთ. ვერ გეტყვით რა მოვალოება მეკისრება მე ამ რაინდობიდან გამომინარე. რაინდი მე შუასაუკენეების ვიცი, რა იყო და ვინ იყო. პოეზიაში, ვეფხისტყაოსნის გმირები ვიცი ვინ იყვნენ და რანი ივნენ. აი დღეს, რა უნდ ვაკეთოთ ძალიან რთულია, მაგრამ უნდა ვაკეთოთ. უნდა ვიყოთ დღევანდელი დღის და დღევანდელი პოეზიის რაინდები, როგორც მოვახერხებთ, როგორც ჩვენს ქვეყანას სჭირდება ისე", – განაცხადა სახალხო დღესასწაულზე მერაბ ბერიძემ.

ბერიძე, ფილოლოგიის მეცნიერებათა დოქტორი და ახალციხის უნვიერსიტეტის სრული პროფესორია. გამოქვეყნებული აქვს ასზე მეტი სამეცნიერო შრომა, მათ შორის მონოგრაფიები: “მესხეთის ტოპონიმთა სტრუქტურისა და ისტორიისათვის”( 2008), “მაჰმადიანი მესხების ფესვები და დღევანდელობა” ( 2009), “ტაძრები და სახელები” ( 2010) და სხვ. 1974-1990 წლებში მუშაობდა ივანე ჯავახიშვილის სახელობის თბილისის სახელმწიფო უნივერსიტეტში . 1990-2005 წლებში იყო თსუ ახალციხის ფილიალის დირექტორი. 2002 -2005 წლებში ხელმძღვანელობდა თსუ ჯავახეთის ფილიალს ახალქალაქში. 2012–დან 2018 წლამდე იყო სამცხე–ჯავახეთის სახელმწიფო უნივერსიტეტის რექტორი.

მწერალთა კავშირმა 2015 წელს ქართული კულტურის რაინდის წოდება გაზეთ „ლიტერატურული მესხეთის“ რედაქტორს ავთანდილ ბერიძესაც მიანიჭა.

გასული წლების მსგავსად, წელსაც ლიტერატურული კონკურსის გამარჯვებულები დააჯილდოვეს. ამ კონკურსის დამფუძნებელი, გაზეთ „ლიტერატურული მესხეთის“ რედაქტორი ავთანდილ ბერიძეა.

„80–ზე მეტი მონაწილე იყო, 10 პრემია გავეცით. 12 წელია ვატარებთ, კონკურსის მთავარი მიზანია საუკეთესო პოეტური ქმნილებების გამოვლენა, ეს უნდა იყოს გამოუქვეყნებელი ლექსები. თემატიკა შეუზღუდავია", – განაცხადა ავთანდილ ბერიძემ.

[მარიამ ბარძიმაძე, ასპინძა]