უნივერსიტეტმა ‘ღია კარის დღეზე’ მომავალ სტუდენტებს უმასპინძლა

დღეს, 23 სექტემბერს, სამცხე–ჯავახეთის სახელმწიფო უნივერისტეტში, „მეცნიერებისა და ინოვაციების ფესტივალი 2019–ის“ ფარგლებში, ახალციხის, ვალისა და სოფელ ანის საჯარო და კერძო სკოლების მოსწავლეებისათვის „ღია კარის დღე“ გაიმართა.

დამამთავრებელი კლასების მოსწავლეები უნივერისტეტის საგანმათლებლო პროგრამებს გაეცნენ და შესაძლებლობა მიეცათ, ჩაეტარებიდნათ ცდები მემცენარეობაში.

ახალგაზრდებს ცდების ჩატარებაში ინჟინერიის, აგრარული და საბუნებისმეტყველო მეცნიერებათა ფაკულტეტის ასოცირებული პროფესორი ზაირა ტყებუჩავა ეხამრებოდა. მოსწავლეებმა სხვადასხვა მცენარეში გაზომეს მჟავიანობის მაჩვენებელი და ისაუბრეს ჯანსაღი პროდუქციის შესახებ.

„გვინდა მოსწავლეებს ვუთხრათ, თუ რას ვაკეთებთ, რომ დაინტერესდნენ ამ სფეროთი და გახდნენ ჩვენი სტუდენტები. ერთად უნდა შევუწყოთ ხელი სოფლის მეურნეობას, ეკოლოგიურად უსაფრთხო პროდუქციის მისაღებად“, – ამბობს პროფესორი ზაირა ტყებუჩავა.

მოსწავლე თორნიკე ბერიძე ამბობს, რომ დაინტერესებულია სამცხე–ჯავახეთის უნივერსიტეტით, მომავალ წელს კი აქ ინჟინერიის მიმიართულებით აპირებს სწავლის გაგრძელებას.

„ეს ღონისძიება დამეხმარა ჩემი ხედვა ჩამომეყალიბებინა. მომეწონა გარემო და ვფიქრობ, რომ ჩემი ცოდნა ამ მიმართულებით გავამდიდრო და სამომავლოდ უმაღლესი განათლებაც ამ კუთხით მივიღო“, – გვითხრა თორნიკემ.

„ღია კარის დღე ორ მიზანს ისახავდა – ერთი მხრივ, მეცნიერებაზე გვესაუბრა ბავშვებთან და, მეორე მხრივ, უნივერისტეტს გაეცნო მათთვის ის პერსპექტივები, რომელიც 2020 წლსითვის მათ, როგორც აბიტურიენტებს, დააინტერესებთ“, – განმარტა უნივერსიტეტის რექტორმა მაკა ბერიძემ.

შეხვედრას ესწრებოდა ახალციხის საგანმანათლებლო რესურსცენტრის ხელმძღვანელი ხათუნა ხმალაძე, უნივერისტეტის რექტორი მაკა ბერიძე, რექტორის მოადგილე სამეცნიერო დარგში – მერაბ ბერიძე და სტუდენტური თვითმმათველობის პრეზიდენტი მირზა ბურძენიძე.

[თორნიკე ზაზაძე, ახალციხე]