სამცხე-ჯავახეთის საკონსულტაციო საბჭომ მორიგი სხდომა ასპინძაში გამართა

საბჭოს სხდომაზე იმსჯელეს სახელმწიფო შესყიდვებთან დაკავშირებული საკითხების, მუნიციპალიტეტებში მიმდინარე ინფრასტრუქტურული პროექტებისა და საკასო გადარიცხვების მიმდინარეობის, რეგიონული განვითარების 2015-2017 წლების სტრატეგიებისა და სამოქმედო გეგმების განახლების, ასევე ტურისტული სეზონის მიმდინარეობის და მუნიციპალიტეტებში ტურისტთა მოზიდვის კუთხით დაგეგმილი და განხორციელებული ღონისძიებებისა და საჯარო მოხელეთა გადამზადების შესახებ.

სამხარეო საკონსულტაციო საბჭოს სხდომას ესწრებოდნენ სამცხე-ჯავახეთის გუბერნატორი აკაკი მაჭუტაძე, გუბერნატორის მოადგილე ავთანდილ კაჭკაჭაშვილი, რეგიონული პროექტების კოორდინირების სამსახურის უფროსი მარინა გაჩეჩილაძე, აპარატის უფროსი გიორგი მიქელაძე, რეგიონის მუნიციპალიტეტების გამგებლები, საკრებულოს თავმჯდომარეები, მათი მოადგილეები და ქალაქ ახალციხის მერი.

დებულების თანახმად სამხარეო-საკონსულტაციო საბჭო მინიმუმ სამ თვეში ერთხელ იკრიბება, წინა სხდომა მიმდინარე წლის მარტში გაიმართა.

[ნინო ნარიმანიშვილი, ასპინძა]

მასალა მომზადებულია “სამოქალაქო კულტურის საერთაშორისო ცენტრის” პროექტის - „სამოქალაქო საზოგადოება დეცენტრალიზაციისათვის” ფარგლებში , ფონდ „ღია საზოგადოება საქართველოს“ მხარდაჭერით. სტატიაში გამოთქმული მოსაზრებები შესაძლოა არ ემთხვეოდეს სამოქალაქო კულტურის საერთაშორისო ცენტრის და ფონდ „ღია საზოგადოება საქართველოს“ პოზიციას.

„ჟურნალისტთა ქსელი თვითმმართველობის განვითარების ხელშეწყობისთვის"