მარგველაშვილი ამომრჩევლებს საარჩევნო პროგრამას გააცნობს (R)

საარჩევნო პროგრამის პრეზენტაცია 17:00 საათზე სპორტის სასახლეში გაიმართება.

„ეს იქნება დიდი ღონისძიება, სადაც აქტივისტები და მხარდამჭერებიც იქნებიან“,-აცხადებენ პრესცენტრში.

გიორგი მარგველაშვილის საარჩევნო პროგრამის პრეზენტაციას „ქართული ოცნების“ ახალციხის შტაბიდან დაახლოებით 20 ადამიანი დაესწრება.

„შტაბიდან 20 კაცი წავალთ. იქნებიან როგორც ზონის უფროსები, ასევე ახალგაზრდული ფრთის თავმჯდომარე და ჩვენი რამდენიმე ახალგაზრდა აქტივისტი“,-ამბობს „ქართული ოცნების“ ახალციხის შტაბის უფროსი მალხაზ ჟუჟუნაძე.

მარგველაშვილის საარჩევნო პროგრამების პრეზენტაციას სამცხე-ჯავახეთის გარდა სხვა რეგიონებიდან ჩამოსული მხარდამჭერებიც დაესწრებიან.

[sknews.ge]