"ოცნების" ახალციხის შტაბმა მარგველაშვილის ვიზიტი დააანონსა

„ქართული ოცნების“ ახალციხის შტაბის წევრები დღეს 16:00 საათზე თამარ მეფის ძეგლთან შეიკრიბნენ. აქციის მონაწილეებმა მოსახლეობას პრეზიდენტობის კანდიდატის ვიზიტის შესახებ აცნობეს და აქტიურობისკენ მოუწოდეს. გიორგი მარგველაშვილთან შეხვედრა მესხეთის სახელმწიფო დრამატული თეატრის წინ, ახალციხის ცენტრალურ პარკში 12 სექტემბერსაა დაგეგმილი.

„მოსახლეობას შანსი ეძლევა ჩვენი პრეზიდენტობის კანდიდატს პირისპირ შეხვდნენ, გაიცნონ და გაესაუბრონ, წარუდგინონ საკუთარი პრობლემები და მოუსმინონ მას“, - ამბობს „ქართული ოცნების“ ახალციხის შტაბის აქტივების კოორდინატორი გოჩა პარუნაშვილი და ამატებს, რომ შტაბის წევრები მოსახლეობასთან შეხვედრების გამართვას ახალციხის მუნიციპალიტეტის ყველა სოფელში აპირებენ.

[sknews.ge]