სააგენტომ კორხის ეკლესიის საინიციატივო ჯგუფს არქეოლოგიური კვლევის ჩატარება დაავალა

კორხში მდებარე წმ.სტეფანეს (სურბ სტეფანოს) სახელობის ეკლესიაზე, უნებართვო სამუშაოების განმხორციელებელ საინიციატივო ჯგუფს, ძეგლთა დაცვის სააგენტომ ერთთვიანი ვადა მისცა.

„საინიციატივო ჯგუფს, ვინც განახორციელა უნებართვო მშენებლობა ეკლესიაზე, განვუსაზღვრეთ ერთთვიანი ვადა, რომ მოხდეს პროექტის შეთანხმება, მაგრამ სამშენებლო სამუშაოები დაიწყება იმ პირობით, თუ ისინი, ჩვენი ზედამხედველობით, უზრუნველყოფენ არქეოლოგიური კვლევა–ძიების ეტაპსაც“, – განმარტა ძეგლთა დაცვის სააგენტოს საზოგადოებასთან ურთიერთობის სამსახურის წარმომადგენელმა ბექა ბარამიძემ.
მისი თქმით, კორხის ეკლესიაზე თუ არ ჩატარდება სრულფასოვანი არქეოლოგიური შესწავლის პროცესი, მაშინ სამშენებლო პროცესზე ნებართვა არ გაიცემა.

სოფელ კორხში, წმ.სტეფანეს სახელობის ეკლესიაში უნებართვო სამუშაოები მაისში დაიწყო. კულტურული მემკვიდრეობის ძეგლი პირვანდელი სახით აღარ არსებობს.

ნახეთ ამავე თემაზე:

‘იქ მიდის აბსოლუტური განუკითხაობა’ – ძეგლთა დაცვა კორხის ეკლესიის რეაბილიტაციაზე

‘ვის რაში კითხავს ჩვენ რას ვაკეთებთ’– კორხში XIX საუკუნის ეკლესიის კედლებს ძალაყინით ანგრევენ

ძეგლთა დაცვა კორხში ეკლესიაზე განხორციელებულ უნებართვო მშენებლობას ვანდალიზმად აფასებს

'დაუყოვნებელი რეაგირებაა საჭირო'– ძეგლთა დაცვის წარმომადგენელი კორხის ეკლესიაზე

ძეგლთა დაცვა: ახალქალაქში ადგილობრივებმა ორი ეკლესიის რეაბილიტაცია უნებართვოდ დაიწყეს

სოფელ კორხის წმინდა სტეფანეს ეკლესიას ძეგლის სტატუსი მიენიჭა

[გულო კოხოძე, ახალქალაქი]