რაბათში 26 მაისისადმი მიძღვნილი ღონისძიებები დაიწყო [ფოტო]

დღეს, 26 მაისის ღონისძიებები ახალციხის ციხის სცენაზე ქორეოგრაფიულმა ანსამბლმა „სამცხემ“ გახსნა. მათ ცეკვა „დავლური“ წარმოადგინეს. რის შემდეგაც, სცენა ფოკლორულმა ანსამბლმა „მესხეთმა“ დაიკავა.

გარდა ამისა, ციხის ტერიტორიაზე სხვადასხვა კულტურული და სპორტული ღონისძიებები მიმდინარეობს.

რაბათის ისტორიულ კომპლექსში დაგეგმილ ღონისძიებებს ესწრება საქართველოს გარემოს დაცვისა და სოფლის მეურნეობის მინისტრის მოადგილე იური ნოზაძე: “ეს დღე ერთ-ერთი ყველაზე მნიშვნელოვანი დღეა ჩვენი ქვეყნის ისტორიაში, მთელს საქართველოში განსაკუთრებულად აღინიშნება დამოუკიდებლობის დღე. ღონისძიებები დაგეგმილია სლოგანით „გააზიარე ცოდნა“. შესაბამისად, ჩვენც დღევანდელი ღონისძიება სწორედ ამ თემატიკას მოვარგეთ“.

ღონისძიების დაწყებამდე, სამხარეო ადმინიტრაციისა და ადგილობრივი თვითმმართველობის წარმომადგენლებმა მინისტრის მოადგილეს რაბათის ისტორიული კომპლექსი დაათვალიერებინეს და დღის განმავლობაში გასამართი ღონისძიებების შესახებ ესაუბრნენ.

„სამცხე-ჯავახეთში წელს განსაკუთრებულად და განსხვავებულად აღვნიშნავთ და ყველა მუნიციპალიტეტი უერთდება ამ დღეს. განსაკუთრებული ღონისძიებები იქნება ახალციხესა და ახალქალაქში. ახალციხეში სოფლის მეურნეობის სამინიტროს წარმომადგენლები გვსტუმრობენ, ახალქალაქში კი შერიგებისა და თანასწორობის სამინისტროს წარმომადგენლები იქნებიან“, - განმარტა სამცხე-ჯავახეთის მხარეში სახელმწიფო რწმუნებულმა ბესიკ ამირანაშვილმა.















ნახეთ 26 მაისის ღონისძიებების განრიგი.

[თაკო ფეიქრიშვილი, ახალციხე]