დამოუკიდებლობოს დღესთან დაკავშირებით ახალციხის ციხეზე ანსამბლმა ‘მესხეთმა’იმღერა [ვიდეო]

მცირემასშტაბიან ღონისძიებაზე მხოლოდ ანსამბლის წევრები, ახალციხის მერი ზაზა მელიქიძე, საკრებულოს თავმჯდომარე გელა ნოზაძე და ადგილობრივი თვითმმართველობის წარმომადგენლები იმყოფებოდნენ.

გასულ წლებში, ამ დღესთან დაკავშირებით ახალციხეში მასშტაბური კულტურული და სპორტული ღონისძიებები იმართებოდა, თამარაშვილის ქუჩაზე კი თავდაცვის სამინისტრო საბრძოლო ტექნიკა იყო გამოფენილი. კორონავირუსის პრევენციის მიზნით კი წელს ეს ღონისძიებები არ ჩატარებულა.

დამოუკიდებლობის დღის აღსანიშნავად, ახალციხის ქუჩებში მხოლოდ საქართველოს დროშებია გამოფენილი.

26 მაისს საქართველოში დამოუკიდებლობის დღე აღინიშნება. 102 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.





[მარიამ ბარძიმაძე, ახალციხე]