ჭელის მინარეთის საკითხზე პარლამენტში იმსჯელებენ

ინიციატივა უმცირესობის წევრს ჩიორა თაქთაქიშვილს ეკუთვნის. ამ ინიციატივით მან ადამიანის უფლებათა დაცვის კომიტეტს გუშინ, 3 სექტემბერს მიმართა.

"მესმის, რომ დღეს საბოლოო გადაწყვეტილებას ვერ მივიღებთ, კომიტეტის თავჯდომარის ეკა ბესელიას პიზიცია და "რესპუბლიკელების" პოზიცია ერთმანეთისგან განსხვავდება, მაგრამ საქმე ძალიან სახიფათო ტენდენციას ეხება, რომელიც საქართველოში მკვიდრდება და მიზნად განსხვავებული შეხედულებების, რელიგიური შეხედულებების მქონე მოქალაქეების დევნას და მათ მიმართ აგრესიას ისახავს“,-განაცხადა ჩიორა თაქთაქიშვილმა.

აღნიშნული საკითხის განხილვის ინიციატივას დაეთანხმა უმრავლესობის წევრი ელისო ჩაფიძე, რომლის თქმითაც, აღნიშნული საკითხი სწორედ პარლამენტმა უნდა განიხილოს.

მინარეთის საკითხის საკომიტეტო განხილვაში მონაწილეობას ექსპერტები და არასამთავრობო ორგანიზაციის წარმომადგენლები მიიღებენ.

შეგახსენებთ, 26 აგვისტოს, ადიგენის მუნიციპალიტეტის სოფელ ჭელაში შემოსავლების სამსახურმა მინარეთის დემონტაჟი განახორციელა წინააღმდეგობის გაწევის გამო კი პოლიციამ ჭელაში რამდენიმე ადგილობრივი დააკავა. მომხდარს მუსლიმური თემის მხრიდან პროტესტი მოჰყვა. საპატრიარქოსა და მუსლიმთა რელიგიური ლიდერების შეთანხმების თანახმად, 30 აგვისტოს მინარეთი სოფელ ჭელიდან 2 კილომეტრში დაასაწყობეს და დალუქეს.

[sknews.ge]