ჭელის მცხოვრებლების თქმით, პოლიციამ 11 ადამიანი დააკავა

ადგილობრივები ამბობენ, რომ სოფელში არიან ნაცემებიც. ყველაზე მძიმე მდგომარეობაში 70 წლის ოთარ მარკოიძეა, რომელიც კონდახით სცემეს.

მათივე თქმით, იმ მოტივით, რომ შეაგინეს, პოლიციამ რამდენიმე ადგილობრივი მდინარეში ჩააგდო.

შეგახსენებთ, ჭელის მინარეთის დემონტაჟის გადაწყვეტილება ადიგენის მუნიციპალიტეტის საკრებულომ 20 აგვისტოს გამოიტანა. დღეს კი ჭელაში მინარეთის დემონტაჟი განხორციელდა. რამდენიმე საათის განმავლობაში გადაკეტილი იყო სოფლისკენ მიმავალი გზა. მოძრაობა მას შემდეგ აღდგა, რაც სოფლიდან მინარეთი გამოიტანეს. ქართველ მუსლიმთა კავშირის თავმჯდომარის ტარიელ ნაკაიძის განცხადებით,პოლიციამ ადგილობრივები დააშინა და ტელეფონები გაათიშინა.

[sknews.ge]