ნოდარ ხადური: 'მინარეთის საკითხი ტექნიკურად უნდა გადაწყვეტილიყო და სამწუხაროა, რომ ამან სხვა ხასიათი მიიღო'

"ამის შესახებ დღეს პრემიერმა განცხადება გააკეთა. ეს იყო ტექნიკური საკითხი, რომელიც ტექნიკურად უნდა გადაწყვეტილიყო. სამწუხაროა, რომ ამან სხვა ხასიათი მიიღო", - განაცხადა ხადურმა.

შეგახსენებთ, 26 აგვისტოს, ადიგენის მუნიციპალიტეტის სოფელ ჭელაში შემოსავლების სამსახურმა მინარეთის დემონტაჟი განახორციელა. იმავე დღეს, წინააღმდეგობის გაწევის გამო პოლიციამ ჭელაში რამდენიმე ადგილობრივი დააკავა. მომხდარს მუსლიმური თემის წარმომადგენელთა პროტესტი მოჰყვა. მინარეთის დემონტაჟის დროს 6 დაკავებულს ახალციხის რაიონულმა სასამართლომ 400-ლარიანი ჯარიმა დააკისრა. 3 დაკავებული კი, რომელთაც ბრალი სისხლის სამართლის კოდექსის 353-ე მუხლის მეორე ნაწილით ედებათ, სასამართლომ 2 000-ლარიანი გირაო შეუფარდა. ჭელის მინარეთის, საპატრიარქოსა და მუსლიმტა რელიგიური ლიდერების შეთანხმების თანახმად, კანონმდებლობის დარეგლირებამდე, 30 აგვისტოს, ჭელიდან 2 კილომეტრში დაასაწყობეს .

ჭელაში მომხდართან დაკავშირებით არასამთავრობოებმა განცხადება გაავრცელეს, რომლის თანახმადაც 'მინარეთის დემონტაჟის კანონიერება ეჭვს იწვევს'. არასამთავრობოები ჭელის საქმის გამოძიებას ითხოვენ.

31 აგვისტოს, ქართველ მუსლიმთა კავშირმა სოფელ ჭელაში მომხდარ ფაქტთან დაკავშირებით, საქართველოს შინაგან საქმეთა სამინისტროს და პროკურატურას გამოძიების დაწყება, პრემიერ-მინისტრს კი პოზიციის დაფიქსირება სთხოვა.

პრემიერ-მინისტრი მომხდარს დღეს გამოეხმაურა. მან განაცხადა, რომ ჭელაში მინარეთის აშენება კანონდარღვევით მოხდა, უკანონობაზე კი ხელისუფლება თვალს ვერ დახუჭავს.

[Sknews.ge]