ჭელაში მინარეთს ამონტაჟებენ

ჭელაში იმყოფება "სამხრეთის კარიბჭეც", თუმცა, მას მეჩეთის ირგვლივ შეკრებილი სამოქალაქო ფორმებში ჩაცმული მოქალაქეები, რომლებიც აცხადებენ, რომ უსაფრთხოების ზომებს იცავენ, მუშაობის საშუალებას არ აძლევენ. მათ ჩვენს გადამღებ ჯგუფს ფოტოების გადაღების უფლება არ მისცეს და მეჩეთის მიმდებარე ტერიტორიის დატოვება მოსთხოვეს.

ადიგენის მუნიციპალიტეტის საკრებულომ ჭელის მუსლიმ თემს მინარეთის აღმართვის ნებართვა დღეს, 27 ნოემბერს, მას შემდეგ მისცა, რაც მუსლიმებმა მშენებლობის ნებართვისთვის საჭირო ყველა დოკუმენტაცია მოაწესრიგეს. 27 ნოემბერს გამართულ სხდომაზე ადიგენის მუნიციპალიტეტის საკრებულოს 16 დეპუტატიდან მინარეთის დადგმის ნებართვას უმრავლესობამ მხარი დაუჭირა.



შეგახსენებთ, რომ ადიგენის მუნიციპალიტეტის სოფელ ჭელაში მინარეთის დემონტაჟი 26 აგვისტოს შემოსავლების სამსახურმა განახორციელა. მინარეთის დემონტაჟს ჯერ მუსლიმების, შემდეგ კი ქრისტიანების აქციები მოჰყვა. მუსლიმებმა აქციები იმ იმედით შეწყვიტეს, რომ მინარეთი მეჩეთს კვლავ დაუბრუნდებოდა. დაპირება მიიღეს ქრისტიანებმაც, მათ საპატრიარქო დაჰპირდა, რომ მინარეთი აღარ აღიმართებოდა.

მოგვიანებით, მუსლიმებმა ადიგენის გამგეობას მინარეთის დაბრუნების ნებართვა სთხოვეს. გამგეობას წერილობით მიმართეს ქრისტიანებმაც, რომლებიც ითხოვდნენ არ დაეშვა გამგეობას მინარეთის დაბრუნება.

[SKnews.ge]