ადამიანის უფლებათა კომიტეტი ჭელას საკითხს მომავალ კვირას განიხილავს

ადამიანის უფლებათა დაცვის კომიტეტის თავმჯდომარის მოადგილე გედევან ფოფხაძე აცხადებს, რომ სხდომის გადადების მიზეზი საორგანიზაციო საკითხების მოუწესრიგებლობაა: "კომიტეტის თავმჯდომარე ეკა ბესელია მივლინებაში იმყოფება, მე კი ჯანმრთელობის გაუარესების გამო ტექნიკური საკითხების მოგვარება ვერ მოვახერხე. ამიტომ, ჭელას თემას ადამიანის უფლებათა დაცვის კომიტეტი მომავალ კვირას დაუბრუნდება“.

შეგახსენებთ, რომ ჭელას საკითხის სხდომაზე განხილვა "ერთიანი ნაციონალური მოძრაობის" იდეაა. უმცირესობის წევრმა ჩიორა თაქთაქიშვილმა კომიტეტს ამ ინიციატივით 3 სექტემბერს მიმართა.

"როგორც ჩანს, ხელისუფლებისთვის არ არის ხელსაყრელი საჯარო მსჯელობა, ჩვენ მაინც ვითხოვთ საკითხი განხილული იქნას კომიტეტის ფორმატში. ამ დროისთვის არ არის დაზუსტებული კონკრეტული დღე როდის განიხილება, წინასწარი ინფორმაციით შესაძლოა კომიტეტმა ეს საკითხი განიხილოს ხუთშაბათს", - განაცხადა ჩიორა თაქთაქიშვილმა "ნეტგაზეთთან" საუბარში.

[sknews.ge]