ჭელაში მინარეთის დაბრუნებას ელოდებიან

სამცხე-ჯავახეთის მუფტის მამუკა ვაშაყმაძის განმარტებით მას შემდეგ, რაც მინარეთის დაბრუნების შესახებ მოსახლეობამ დაპირება მიიღო,აქციები შეწყდა.

"მეჩეთის მიმდებარე ტერიტორიაზე ვიკრიბებით და ველოდებით როდის შემოვა მინარეთი ჭელაში. სანამ მინარეთი არ დაგვიბრუნდება, დაშლას არ ვაპირებთ და თუ არ დაგვიბრუნდება, პერმანენტულად აქციებს გავმართავთ. ვითხოვთ დაგვიბრუნონ მათ,ვინც წაიღეს. ჩვენ არავისთან საწინააღმდეგო არ გვაქვს, პრემიერმა განაცხადა, რომ მინარეთი დაგვიბრუნდება.სახელმწიფო დაპირისპირებას არ დაუშვებს, რადგან ძალიან ცუდი სიტუაცია და რეზონანსი მოჰყვება ამ ამბავს", - ამბობს იგი.

შეგახსენებთ, მინარეთის დემონტაჟის შემდეგ მუსლიმებმა ორი დღის განმავლობაში ახალციხეში, გუშინ, 28 აგვისტოს კი ბათუმში გამართეს აქცია მინარეთის დაბრუნების მოთხოვნით. ინტერნეტგამოცემა "ნეტგაზეთის" ინფორმაციით, მინარეთის ექსპერტიზა დღეს დღის განმავლობაში მოხდება და მისი ახლიდან დამონტაჟება ჭელაში მდებარე მეჩეთთან შესაძლოა დღეს მოხდეს.

[sknews.ge]