მუსლიმები ჭელაში ჯემალ პაქსაძეს ელოდებიან

ადგილობრივების თქმით, პაქსაძეს აჭარის მთავრობისა და სხვადასხვა სამინისტროს წარმომადგენლებიც მოყვებიან.

ადგილობრივი მუსლიმები მეჩეთთან არიან შეკრებილები. როგორც მათ „სამხრეთის კარიბჭის“ ჟურნალისტს განუცხადეს დღეს ამოიწურა ვადა, როცა მათ ჯემალ პაქსაძისგან უნდა მიეღოთ საბოლოო პასუხი მინარეთის დაბრუნებასთან დაკავშირებით.

სამცხე-ჯავახეთის მუფთის მამუკა ვაშაყმაძის თქმით, თუ მინარეთი არ დაბრუნდება ისევ მასიური გამოსვლები დაიწყება.

„ზუსტად ვიცით, რომ ჯემალ პაქსაძე მოდის, მაგრამ ვინ მოყვება არ ვიცით. ჩვენ მუფთისგან ველოდებით პასუხს, დაბრუნდება თუ არა მინარეთი“, - ამბობს მამუკა ვაშაყმაძე.

სოფელ ჭელაში მცხოვრები ოთარ გორგაძე ამბობს, რომ თუ პასუხი უარყოფითი იქნება, ხალხი აღარ გაჩერდება და ისევ აქციები დაიწყება.
ერთ-ერთი მუსლიმი ფრიდონ აბაშიძე ამბობს, რომ როდესაც ისინი მასშტაბურ აქციაზე აჭარაში იმყოფებოდნენ, მათ აჭარის მთავრობის წარმომადგენელი არჩილ ხაბაძე შეხვდა და დაჰპირდა, რომ მინარეთი აუცილებლად დაუბრუნდებოდა მეჩეთს, ამის მაგივრად კი მინარეთი სოფლიდან მოშორებით დააპატიმრეს.

ჭელაში იმყოფება „სამხრეთის კარბჭე“ და დეტალურ ინფორმაციას მოგვიანებით მოგაწვდით.

[sknews.ge]