მუსლიმები ბათუმში გაემართნენ

როგორც "სამხრეთის კარიბჭესთან" სატელეფონო საუბარში ახმედ კახაძემ განაცხადა, ისინი მშვიდობიანი აქციის გამართვას აპირებენ.

"ჩვენი აზრის დაფიქსირებას ვაპირებთ. ჩვენი გულისტკივილი კი ყველამ იცის. ეს იყო ჩვენი შეურაცხყოფა, რაც გააკეთეს. მშვიდობიანი აქციით ჩვენ ვაპირებთ, რომ პრემიერს მივაწვდინოთ ხმა", - ამბობს ხულოს მკვიდრი ახმედ კახაძე.

მისივე თქმით, ორდღიანი დაძაბულობის შემდეგ ისინი ღამე სოფელ ჭელაში იმყოფებოდნენ, დილით კი ბათუმისკენ გაემართნენ. ზუსტად რამდენი ადამიანი აპირებს ბათუმში მშვიდობიან აქციაზე მისვლას, ახმედ კახაძეს ინფორმაცია არ აქვს. თუმცა, ამბობს, რომ ვისაც გული შესტკივა სოფელ ჭელაში მინარეთის დემონტაჟის ფაქტზე აქციას აუცილებლად შეუერთდება.

[sknews.ge]