ახმედ კახაძე: 'როგორც ადამიანს აქვს ორი ხელი, ორი თვალი, ისე უნდა ჰქონდეს მეჩეთს მინარეთი'

აქციის მონაწილე იოსებ აბაშიძე ამბობს, რომ აქციაზე ბათუმშიც წავა და იქიდან მიაწვდენს ხმას მთავრობას. მის მსგავსად აქციებზე ბოლომდე ყოფნას აპირებს ჭელის მკვიდრი ჯემალ მიქელაძეც.
მინარეთის აღდგენის მოთხოვნას ხოლოსა და წალკაში მცხოვრები მუსლიმებიც შეუერთდნენ.

„200-ზე მეტი ადამიანი ჩამოვიდა აქციაზე წალკიდან, ხოლო ჩემი სოფლიდან 15-მდე ადამიანია“, - ამბობს წალკის მუნიციპალიტეტის სოფელ განთიადის მცხოვრები მალხაზ ბერიძე.

აქციის მონაწილე ხულოდან ახმედ კახაძე კი ამბობს, რომ თუ საქართველოში უნდა იცხოვრონ, სამლოცველო აუცილებლად სჭირდებათ.

„როგორც ადამიანს აქვს ორი ხელი, ორი თვალი, ისე უნდა ჰქონდეს მეჩეთს მინარეთი. ამას არცერთი აღმსარებელობის ხალხი არ გააკეთებდა. ღმერთის სასახლე დაგვიმახინჯეს და პასუხს ვერსად ვიღებთ",-ამბობს ახმედ კახაძე და აქვე ამატებს, რომ ისინი ბოლომდე აპირებენ ბრძოლას .

აქციის მონაწილეები ხვალ ბათუმში გადაინაცვლებენ და იქ გამართავენ აქციას.

[sknews.ge]