მუსლიმები ხვალ დილით ბათუმის ჯამეში შეიკრიბებიან

სამცხე-ჯავახეთის სამხარეო სამმართველოდან ადიგენის სოფლებიდან ჩამოსულმა მუსლიმებმა ჭელაში გადაინაცვლეს. მას შემდეგ რაც მეჩეთში ლოცვა დასრულდა,შეკრებილებს ხულოს მუფტმა ასლან-გურამ აბაშიძემ მიმართა.

მან შეკრებილებს შესთავაზა ორდღიანი დაძაბულობის შემდეგ დღეს ოჯახებს დაუბრუნდნენ, დაისვენონ და ხვალ დილით, 10.00 საათზე ბათუმის ჯამეში შეიკრიბონ.

"იქ ადგილობრივებიც შემოგვიერთდებიან. ვისაც ჩვენს გვერდში დგომა გინდათ, გელოდებით ხვალ ბათუმში", - მიმართა მან შეკრებილებს.

მუსლიმები მის მოწოდებას ტაშით შეხვდნენ.

"სირცხვილით ცხოვრებას გვირჩევნია ბოლომდე ვიბრძოლოთ", - ამბობენ სოფელში.

შეგახსენებთ, მას შემდეგ რაც ყველა დაკავებული გაათავისუფლეს, მუსლიმებმა სამმართველოს მიმდებარე ტერიტორია დატოვეს.

[sknews.ge]