აქციის მონაწილეები შეთანხმდნენ, არ დაუშვან მინარეთის ჭელაში დაბრუნება

"მინარეთი არ არის დაძრული თბილისიდან, ჩვენ უნდა გადავწყვიტოთ დაიძრას თუ არა. თუ მაინც წამოვა, ჩვენი ერთადერთი კომპრომისი იქნება ის, რომ მინარეთი დაკონსერვდეს შემოსავლების სამსახურის სამხარეო ტერმინალში", - მიმართა შეკრებილებს გიორგი კოპაძემ.

აქციის მონაწილეები აცხადებენ, რომ მინარეთის შემოტანა არ უნდა დაუშვან.

"დავამსხვრევთ მინარეთს აქ თუ მოიტანენ. არ უნდა დაიძვრას მინარეთი ადგილიდან, თუ მაინც წამოვა თბილისიდან, ეს იმას ნიშნავს, რომ ისინი ჩვენ გვიპირისპირდებიან", - აცხადებს აქციის მონაწილე გენადი ენდელაძე.

ჩვენი საქმე ბათუმის მეჩეთში გადასაწყვეტი არ არის. ჩვენ გვყავს მთავრობა და ეს ყველაფერი უნდა გადაწყდეს თბილისში. ჩვენ ადგილობრივებს არ ვუპირისპირდებით, მოსახლეობის წინააღმდეგი არ ვართ, ყველა სოფელს აქვს მეჩეთი. მათ თავიანთ სალოცავში ილოცონ, ჩვენ ჩვენსაში ვილოცებთ", - ამბობს მლაშეში მცხოვრები ივეტა გიორგაძე.

[sknews.ge]