ვახტანგ სახამბერიძე ახალციხის მერიას თავშესაფარს სთხოვს

მთავარი → სიახლე, ეკონომიკა, საზოგადოება 12.03.2019

ახალციხეში მცხოვრებ ვახტანგ სახამბერიძეს სახლი აღსრულების ეროვნულმა ბიურომ აუქციონზე გაუყიდა და მას შემდეგ მეუღლესთან ერთად ქირით ცხოვრობს. სახამბერიძე ამბობს, რომ ბინის ქირის გადახდას ვერ ახერხებს და ღია ცის ქვეშ რჩება, ამიტომ მერიას თავშესაფარს სთხოვს.

ვახტანგ სახამბერიძე ახალციხის მერიას თავშესაფარს სთხოვს

ვახტანგ სახამბერიძეს ბინა 2014 წელს გაუყიდეს: „ჩემ ახლობელზე იყო რეგისტრირებული, რამდენიმე წლის ალიმენტი ჰქონდა გადასახდელი და გაყიდეს. ახლა ქირით ვცხოვრობ მეუღესთან ერთად. ჩვენი ერთადერთი შემოსავალი მისი პენსიაა. ფული ვერაფერში გვწვდება. ხანდახან ნათსავები გვეხმარებიან“.

მან ახალციხის მერიას თავეშესაფარი გასულ კვირას სთხოვა: „რამდენიმე დღის წინ ორი ვერსია შემომთავაზეს, ერთი ვალეში პროფ სასწავლებელის ყოფილი შენობა, მეორე ახალციხეში, თავშესაფარი რომაა იქ. ორივე საშინელი ადგილია, აბა წავიდნენ და თვითონ იცხოვრონ?! ვალეში ერთი დანგრეული ძველი შენობაა, მაგის გაკეთების საშუალება რომ მქონდეს, სახლს ვიყიდდი. მეორე თავშესაფარი კიდევ ისეთი ჟეშტებიანი შენობაა, მანდ როგორ ვიცხოვრო, ელემენტარული პირობები ხომ უნდა შესთავაზო ადამიანს?!“

ახალციხის მერიაში აცხადებენ, რომ ამ ეტაპზე, სხვა ალტერნატიული ფართი, რომელსაც სახამბერიძეებს შესთავაზებენ, არ აქვთ.

[მარიამ ბარძიმაძე, ახალციხე]