სააგენტო: სამცხე–ჯავახეთის ტყეებში ქერქიჭამია მასობრივადაა გავრცელებული

სატყეო სააგენტოს უფროსის მოადგილის ნათია იორდანიშვილის განცხადებით, სამცხე–ჯავახეთში ათეული წელია ხეების ხმობა შეიმჩნევა და მისი გამომწვევი მიზეზი სწორედ მავნებელი - მბეჭდავი ქერქიჭამიაა. იორდანიშვილის თქმით, ტყეებში პრევენციის ღონისძიებები 2013 წლიდან აქტიურად მიმდინარეობს და სანიტარული ჭრები ხორციელდება.

"ფერომონიანი მწერსაჭერებით ხდება ქექიჭამიასთან ბრძოლა, თუმცა ყველაზე სამწუხარო ის არის, რომ განსაკუთრებით დაზიანებული ტერიტორიაა ბორჯომის პლატო, რომელიც ადგილობრივებით და ტურისტებითაც დატვირთულია. მოგვიწევს, წელსაც გავაგრძელოთ აქ სანიტარული ჭრები", – განაცხადა ნათია იორდანიშვილმა.

მისი განმარტებით, დაკვირვების შედეგად, სხვა წლებთან შედარებით, წელს მავნებლის გავრცელება შემცირებულია იმ ადგილებში კი სადაც მავნებელია გავრცელებული, სანიტარული ჭრების პარალელურად ხეების დარგვის პროცესი მიმდინარეობს: "ყველაფერი მაინც კლიმატურ ცვლილებებზეა დამოკიდებული, რამაც შესაძლოა გაავრცელოს ან საერთოდ შეამციროს ქერქიჭამია, საბოლოო ჯამში შედეგები იმედის მომცემია".

[sknews.ge]