აქციის მონაწილეები დაშლას არ აპირებენ

ზარზმის მონასტრის წინამძღვარი კვლავ სათითაოდ ცდილობს აქციის მონაწილეთა დარწმუნებას დაშლის აუცილებლობაში.

საქართველოს კათოლიკოს პატრიარქის ქორეპისკოპოსმა, ახალციხისა და ტაო-კლარჯეთის მიტროპოლიტმა მეუფე თეოდორე ჭუაძემ მრევლს დაშლისკენ ამაღლების ეკლესიიდანაც მოუწოდა, თუმცა, ქადაგების დასრულების შემდეგ მრევლის ნაწილი კვლავ აქციას შეუერთდა.

"არ ვაპირებთ ფეხის მოცვლას", - აცხადებს ასპინძის მუნიციპალიტეტის სოფელ ხიზაბავრის მკვიდრი ანზორ ხუციშვილი.

სად არის ამ დროისთვის მინარეთი, რომელიც ჭელაში უნდა დასაწყობდეს, უცნობია.

„მინარეთის ჩატანა-არჩატანის ამბავი იმის უზრუნველსაყოფია, ვინც მისი დემონტაჟი განახორციელა. მინარეთი ახალ სად არის, ამის შესახებ ინფორმაცია არ მაქვს. ხალხის დაშლის ვალდებულება კი მთავრობას და საპატრიარქოს აქვს. მათ ამის ძალაც და უნარიც აქვთ. ჩვენთვის მთავარია მინარეთი ჩავიდეს თავის ადგილზე და თუ ასე არ მოხდება, მაშინ ბათუმში აქცია არ შეწყდება, რადგან მუსლიმების მოთხოვნა სამართლიანია", - განუცხადა "სამხრეთის კარიბჭეს", - ქართველ მუსლიმთა კავშირის თავჯდომარემ ტარიელ ნაკაიძემ.

[sknews.ge]