ტარიელ ნაკაიძე შეკრებილებს დაშლისკენ მოუწოდებს

ნაკაიძის თქმით, ჭელის მინარეთის დემონტაჟი საქართველოს ხელისუფლების პასუხისმგებლობაა. ამიტომ, მან მუსლიმებს მოუწოდა თბილისში დაგეგმილ აქციებს შეუერთდნენ და მომხდარზე პასუხი ხელისუფლებას მოჰკითხონ.

"სჯობს წავიდეთ თბილისში, სადაც სავარაუდოდ ეს საკითხი გადაწყდა. ჭელაში მომხდარი ამ ხელისუფლებას უნდა მოვკითხოთ", - განაცხადა ნაკაიძემ.

ჭელაში მცხოვრები ოთარ გორგაძე ამბობს, რომ თბილისში აუცილებლად წავა.

"ჩვენ მოვისმინეთ თეა წულუკიანის განცხადება, რომელშიც ის ამბობს, რომ მინარეთების საკითხი უნდა გადაიხედოს. ჩავალთ თბილისში და მოვითხოვთ პასუხს. ხელისუფლებას უნდა მოვთხოვოთ დაპირებების შესრულება", - განაცხადა გორგაძემ.

სამმართველოსთან ამ დროისთვის მუსლიმები ისევ რჩებიან. მათ ფულის შეგროვება დაიწყეს. "სამხრეთის კარბჭესტან" საუბარში ამბობენ, რომ შეგროვილი თანხით საწვავს შეიძენენ და დედაქალაქში გემგზავრებიან.

"გზაში სხვა რეგიონებიდანაც შემოგვიერთდებიან და გზაშივე გადავწყვეტთ თბილისში სად გავმართავთ აქციებს", - ამბობს სოფელ კეხოვანის მკვიდრი ნუგზარ დიმიტრაძე.

[sknews.ge]