ჭელაში დაკავებულები ისევ სამმართველოში რჩებიან

მამუკა ვაშაყმაძის ინფორმაციით, რომელიც სამმართველოს შენობაში მოსალაპარაკებლად ადიგენის მუნიციპალიტეტის მაჟორიტარ დეპუტატთან, უმცირესობის წევრთან, ზურაბ ჩილინგარაშვილთან ერთად იმყოფებოდა, სამმართველოში განაცხადეს, რომ დაკავებულებს დაელაპარაკებიან და შემდგომ გამოუშვებენ.

სამმართველოს შენობასთან შეკრებილების დამშვიდება სცადა ზურაბ ჩილინგარაშვილმაც. რაზე ისაუბრეს სამმართველოში, მას კომენტარი არ გაუკეთებია.

ჩილინგარაშვილი შეეცადა ადგილობრივებისთვის აეხსნა, რომ მინარეთის დემონტაჟი არც მისი და არც გამგეობის ინიციატივაა. შეგახსენებთ, ადგილობრივები ფიქრობენ, რომ სოფელ ჭელაში სიტუაციის დაძაბვას შესაძლოა „ერთიანი ნაციონალური მოძრაობის“ მაჟორიტარი დეპუტატი ზურაბ ჩილინგარაშვილი ცდილობს.

შეგახსენებთ, რომ მინარეთის დემონტაჟისას ჭელაში რამდენიმე ადგილობრივი დააკავეს.

[sknews.ge]