„ადამიანის უფლებათა დაცვის საყოველთაო დეკლარაციისთვის“ მუშაობის აქტურ რეჟიმში გადადის

ორგანიზაციის წარმომადგენლებმა „დემოკრატიული ჩართულობის ცენტრში“ შეკრებილ მოსახლეობასთან ორგანიზაციის შესახებ ისაუბრეს და სამომავლო გეგმები გააცნეს.

„ადამიანთა უფლებები ყოველ დღე უხეშად ირღვევა, სად უნდა ვეძიოთ სამართალი?! რა თქმა უნდა საკუთარ თავში, ჩვენ თუ არ დავიცავით ჩვენივე უფლებები, სხვას ამას ვერ მოვსთხოვთ. ამიტომ, ჩვენი მიზანია, რომ ადამიანების უფლებები დავიცვათ და გვერდში დავუდგეთ მათ“, - ამბობს ორგანიზაციის წარმომადგენელი ია წიწრიაშვილი.

დღევანდელი შეხვედრის შემდეგ ოფიციალურად გაიხსნაახალციხის რაიონული ორგანიზაციის ოფისიც, რომელიც რუსთაველის ქუჩა N93-ში მდებარეობს.

მოსახლეობას შეუძლია ორგანიზაციას საკუთარი პრობლემების შესახებ განცხადებით მიმართოს. ორგანიზაციის წარმომადგენლების თქმით, ისინი ნებისმიერი მოქალაქის პრობლემას განიხილავენ და ეცდებიან, რომ დაეხმარონ.

„დღევანდელ შეხვედრაზე დაასახელეს რამდენიმე პრობლემა, რომელსაც აუცილებლად შევისწავლით“, - ამბობს „ადამიანის უფლებათა დაცვის საყოველთაო დეკლარაციისთვის“ სამცხე-ჯავახეთის რეგიონული კოორდინატორი დავით ბერიძე.

შეგახსენებთ, რომ გუშინ „ადამიანის უფლებათა დაცვის საყოველთაო დეკლარაციისთვის“ ასპინძის რაიონული ორგანიზაცია გაიხსნა. მომდევნო ორგანიზაციის გახსნა ადიგენში იგეგმება.

[თამარ თოთაძე, ახალციხე]