"ადამიანის უფლებათა საყოველთაო დეკლარაციისათვის“ ასპინძაში რაიონულ ოფისს ხსნის

ასპინძის რაიონულ ოფისს ნუგზარ ზაქაიძე უხელმძღვანელებს.

ოფისის გახსნის ცერემონია ასპინძაში დღეს 14.00 საათზეა დაგეგმილი. გახსნას ადგილობრივები დაესწრებიან. დღესვე დაგეგმილია დისკუსია უკანონოდ ჩამორთმეული სასოფლო-სამურნეო მიწების თემაზე.

შეგახსენებთ, ორგანიზაცია თბილისში მიმდინარე წლის 17 აპრილს დაფუძნდა. სამცხე-ჯავახეთის რეგიონული წარმომადგნელობა კი 15 მაისს დაასახელეს.

ორგანიზაციაში ამბობენ, რომ მათი ორგანიზაცია 1948 წლის 10 დეკემბერს გაერთიანებული ერების ორგანიზაციის მიერ მიღებულ „ადამიანის უფლებათა საყოველთაო დეკლარაციას“ ეფუძნება და ისინი მზად არიან დახმარება გაუწიონ ყველა იმ ადამიანს, ვინც ფიქრობს, რომ მისი უფლებები ილახება.

მომდევნო კვირაში ორგანიზაცია ოფისს ადიგენში გახსნის.

[Sknews.ge]